-- Advertisements --
Kinumpirma ng beteranong singer na si Elton John na tuluyan ng hindi na ito nakakakita.
Ibinunyag nito ang insidente sa kaniyang pagsasalita sa gala performance sa “The Devil Wears Prada” musical sa London.
Pinasalamatan ng singer ang kaniyang asawang si David Furnish na sinabing siya ang kaniyang bato na umaalalay sa kaniya.
Dagdag pa nito na kahit na hindi na ito nakakakita ay masaya ito dahil sa naririnig ang kaniyang mga fans na nagugustuhan ang kaniyang pagkanta.
Unang ibinunyag ng 77-anyos na singer ang kaniyang kalagayan noong Setyembre kung saan tinamaan siya ng impeksyon sa mata na nagreresulta sa limitadong paningin.
Dadag pa nito na patuloy ang kaniyang pagpapagaling subalit medyo may katagalan ang proseso nito.
