Nilinaw ni Dr. Vicki Belo sa mga nag komento tungkol sa hindi pantay niyang mga dibdib ay dulot ng kanyang pinagdaanang canser noong 2016, kung saan tinanggal umano ang isang tumor sa kanyang kaliwang dibdib.
Ibinahagi pa niyang hindi ito resulta ng operasyon sa kaniyang klinika, kundi nang kanyang pag-papagamot sa New York.
‘They put something in, I don’t even know what it is. I asked my doctor, he told me tissue, but it’s not silicone. It’s something much harder,’ komento ng doktor.
Binanggit din ni Vicki na tinanggalan siya ng tatlong lymph nodes, kaya’t may kalaliman ang kanyang kilikili sa isang bahagi.
‘I also had stage three breast cancer, so they removed three lymph nodes, so that’s why my armpit is a bit deep on this side. I wanted to clear it up because I don’t want you to think that’s what happens to boobs in Belo,’ saad pa ni Belo.
Hiniling niya sa mga netizens na maging mahinahon at magpakita ng kabaitan sa kanilang mga komento, dahil siya ay isang cancer survivor.
Emosyonal na sinabi pa ni Vicki, “Iiyak na ako,” at hiling niyang maunawaan siya ng lahat.
Nabatid na noong 2023, ipinagdiwang ni Vicki ang kanyang pagiging cancer-free ng halos pitong taon.
‘I was never comfortable talking about my cancer, but I’m feeling extremely grateful — here’s to 7 years being cancer-free,’ dagdag ni Belo.
