Nakibahagi ang mag-asawang Vicki Belo at Hayden Kho sa vaccination program ng Makati City.
Ibinahagi ng celebrity doctor ang larawan sa kaniyang Instagram habang nagtuturok ng COVID-19 vaccine sa mga residente ng Barangay Dasmariñas.
Makikita rin sa larawan na nakasuot ng mga personal protective equipment ang kaniyang mga kasamahan sa Belo Medical Group.
Pinasalamatan ni Belo ang mga tumulong sa kanilang grupo sa pagtuturok ng COVID-19 vaccine.
Itinuturing niyang isang karangalan ang magsilbi sa tao sa pamamagitan ng pagtuturok.
Binati naman sila ng ilang mga celebrities dahil sa kabutihang loob na ginawa ng celebrity doctor.
Hindi lamang ito ang unang beses na tumulong sina Belo dahil noong nakaraang mga buwan ay nagbigay din sila ng mga pagkain sa mga frontliners at nag-donate ng PPE sa mga pagamutan.
