-- Advertisements --
Ipinagpaliban ang ikalawang yugto ng million-dollar online whisky auction matapos na ito ay pasukin ng cyber attack.
Nakatakda kasing isubasta ang mga kakaibang whisky ng collector na si Richard Gooding isang private American collector mula Colorado.
Tinawag itong “The Perfect Collection” kung saan makikita ang mahigit 3,900 na bote na karamihan ay pawang mga single malt scotch.
Sa unang yugto ng collection ay matagumpay na naisagawa nitong taon kung saan naibenta ang nasa 1,900 na bote sa halagang $3.9 million.
Subalit ang pangalawang yugto ay ipinagpaliban matapos na nagkaroon ng technical issues na sinasabing dahil sa cyber attack.
