WHO patuloy ang paghingi ng tulong sa mga bansa para sa bakuna

Patuloy ang apela ng World Health Organization (WHO) sa mga bansa na kung maaari ay magbigay ng donasyon para sa pagbili ng mga COVID-19 vaccines na ipapamahagi sa mga mahihirap na bansa.

Sinabi ni WHO chief Tedros Adhanom Ghebreyesus na mayroon pang $16.8 billyon ang kailangan para sa pagpondo ng mga bakuna.

Malaki pa rin aniya ang agwat sa pagitan ng mga mayayaman at mahihirap na bansa.

Unang nakatanggap ng $17.7 billion ang WHO para sa 2020-21 at agad na kailangan ang $8.1-B sa bahagi ng $16.8-B na kakulangan ng pondo ng WHO.

Aabot na rin sa mahigit 3.25-billion doses ng COVID-19 vaccines ang naiturok na sa 216 na mga bansa.