-- Advertisements --
Sisimulan na ng Wilson ang paggawang muli ng mga game balls para sa NBA simula sa 2021-22 season.
Sa susunod na season na kasi ang ika-37 at huling taon ng kontrata ng Spalding para sa NBA.
Maliban dito, sa Wilson na rin manggagaling ang game balls na gagamitin sa WNBA, G League, at sa Basketball Africa League.
Ang leather na ginagamit para sa mga bola ng basketball ay magmumula pa rin sa kaparehas na provider.
Mananatili pa rin sa mga bagong bola ang eight-panel configuration at performance specifications katulad ng ginagamit ngayon.
Ayon sa NBA, may papel din ang mga players sa pag-apruba at pag-develop ng bagong bola.
