Hindi umubra ang Washington Wizards sa Miami Heat matapos matikman nila ang ika-limang talo, 97-112.
Para sa Heat, ito na ang ika-apat nilang sunod na panalo matapos na pangunahan ni Jimmy Butler ang koponan gamit ang 32 points.
Sa ngayon hawak ng Miami ang 11-5 record upang malampasan ang 10 panalo ng Wizards.
Pinunan ni Bam Adebayo sa kanyang pagbabalik mula two-game absence ang hindi paglalaro ng guard na si Tyler Herro bunsod ng bruised right wrist.
Nagpakita si Adebayo ng 20 points habang nag-ambag naman sina Gabe Vincent ng 18 points at si P.J. Tucker ay may 15.
Nasayang naman ang ginawa ng tambalang Bradley Beal na may 30 points para sa Washington at ang pagpapakita ni Kyle Kuzma ng 19 points.
Hindi rin naman nakalaro sa Wizards ang third-leading scorer nila na si Spencer Dinwiddie.
