Malaki ang pag-asa ng iba’t ibang mga lider sa buong mundo na magiging maganda at mabunga ang kanilang relasyon sa Amerika kasabay ng pormal na pag-upo sa puwesto ni US President Joe Biden.
Nakikita kasi ng mga world leaders ang oportunidad para magsimulang muli at ayusin ang mga ugnayan matapos ang nagdaang administrayon ni dating US President Donald Trump.
Maraming mga bansa ang mistulang na-isolate dahil sa hindi pangkaraniwang leadership style ni Trump at ang agresibo nitong “America First” policy.
Isa ang European Union sa mga naghayag ng kanilang positibong tingin sa bagong Biden administration.
Ayon kay Ursula von der Leyen, presidente ng EU Commission, mayroon na umano silang kaibigan sa White House matapos ang apat na taong hindi magandang relasyon sa Washington.
“This is a historical achievement, and this also makes this day very special,” anang opisyal. “This new dawn in America is the moment we’ve been waiting for so long. Europe is ready for a new start with our oldest and most trusted partner.”
Dagdag nito: “This will be a very strong starting point for our renewed cooperation, and of course, way more is to come.”
Maging si British Prime Minister Boris Johnson ay nagpaabot na rin ng pagbati kay Biden bago pa man ang inauguration ceremony.
“As I said when I spoke with him on his election as president, I look forward to working with him and with his new administration, strengthening the partnership between our countries and working on our shared priorities from tackling climate change, building back better from the pandemic and strengthening our transatlantic security,” ani Johnson.
Ang isa pang superpower country na China ay umaasa na maaayos ni Biden ang umano’y malaking pinsalang iniwan ng Trump presidency sa bilateral ties ng dalawang bansa.
Apela rin ng China kay Biden, dapat nitong isulong ang China-US relations upang makabalik na ito sa “healthy and stable development” sa lalong madaling panahon.
“In the past four years, the US administration has made fundamental mistakes in its strategic perception of China … interfering in China’s internal affairs, suppressing and smearing China, and causing serious damage to China-US relations,” saad ni foreign ministry spokeswoman Hua Chunying.
“If the new US administration can adopt a more rational and responsible attitude in formulating its foreign policy, I think it will be warmly welcomed by everyone in the international community,” dagdag nito.
Kung maaalala, isa sa mga naging programa ng foreign policy platform ni Trump ay ang trade war nito sa China.
Sa panig naman ng Russia, umaasa sila na magkakaroon ng “more constructive” relationship sa pagitan nila ng Amerika.
Sa pahayag ng Russian Foreign Ministry, nais nila sanang mapalawig pa ng limang taon ang Strategic Arms Reduction Treaty (New START) na kasunduan nila sa Estados Unidos.
“We consider it possible to prolong it only in the form in which the Agreement was signed and without any preconditions. An extension for the maximum five-year term stipulated in the Agreement looks preferable,” pahayag ng foreign ministry.
Sa kabilang dako, maging si Pope Francis ay nagbigay ng mensahe kay Biden, ang ikalawang Katolikong presidente ng US.
Sa inilabas na mensahe ng Vatican, sinabi ng Santo Papa na kanya raw ipagdarasal si Biden upang magampanan nito ang kanyang tungkulin.
“On the occasion of your inauguration as the forty-sixth President of the United States of America, I extend cordial good wishes and the assurance of my prayers that Almighty God will grant you wisdom and strength in the exercise of your high office,” saad ng mensahe.
“Under your leadership, may the American people continue to draw strength from the lofty political, ethical and religious values that have inspired the nation since its founding.
“At a time when the grave crises facing our human family call for farsighted and united responses, I pray that your decisions will be guided by a concern for building a society marked by authentic justice and freedom, together with unfailing respect for the rights and dignity of every person, especially the poor, the vulnerable and those who have no voice,” saad ng Catholic pontiff.
Maliban sa mga nabanggit, nagpaabot din ng pagbati kay Biden ang NATO, at mga pinuno ng bansang India, Israel, Ireland, Mexico, Canada, at marami pang mga bansa. (CNN/ Reuters/ Al Jazeera/ ABC)
